បទ «ខ្លារលាស់ខ្លួន» (បង្កើតថ្មី)

មេកាព្យបែបបង្កើតថ្មី (រ័ត្នន៍ សេនា)

បទ «ខ្លារលាស់ខ្លួន»

កាលចិត្តស្ងប់ កាលចប់ស្ងាត់ បំបាត់ទុក្ខ

តទៅមុខ តទុកមក ស្វែងរកផ្លូវ

ចិត្តកណ្ដាល ចិត្តកាលដឹង សម្លឹងត្រូវ

តម្រង់ផ្លូវ តម្រូវផ្លាស់ ពិតច្បាស់ជា។

​​​​ទោសៈម៉្លា ទោសាម៉្លឹង កំហឹងស្រាប់

ចូរកុំត្រាប់ ចូរកាប់ត្រាយ ចៀសឆ្ងាយវា

ធម៌សុខស្ងប់ ធម៌សព្វស្ងាត់ កម្ចាត់ពៀរ

អស់វេរា អស់វៀររែង រមែងសុខ។

ចំណាប់ចុងចួន

ការចាប់ចុងចួន និងសង្កត់សំឡេង គោរព

តាមបទពាក្យ ៩ បន្ថែមនៅត្រង់ៈ

- ១ ផ្ទួន ៤,

- ២ រណ្ដំ ៥, ៣ រណ្ដំ ៦, និង

- ៣ ចួន ៥, ៦ ចួន ៨ គ្រប់ឃ្លា ។