បទ «កង្កែបលោតស្លាក់ពេជ្រ»

សាងផ្លូវត្រូវ សូវផ្លូវត្រាយ សាយផ្លូវត្រង់

ត្រឹមតម្រង់ ត្រង់តម្រាប់ ត្រាប់តម្រា​​​​​​​​​​​​​​​​​​​​​​​

ផ្ដល់សុខដុម ផ្ដុំសុខដល់ ផ្ដល់សុខដា- (១)

បង់ទុក្ខា បារទុក្ខខិត បិទទុក្ខំ។

រីផ្លូវវៀច រាចផ្លូវវេ រេផ្លូវវែង

កើតចំបែង កែងចំបាប់ កាប់ចំបាំង

កាចទុក្ខខ្លប កបទុក្ខខ្លាច កាចទុក្ខខ្លាំង

មោហ៍នឹងបាំង ម៉ាំងនឹងបិទ មិត្តនឹងបង់។ 

(១) ដារាប, ដរាប.. ដរាបតរៀងទៅ។

ចំណាំ ៖ ការចាប់ចុងចួន និងសង្កត់សំឡេង

គោរពតាមបទពាក្យ ៩ បន្ថែមតែៈ

- ១ រណ្តំ ៤ រណ្តំ ៧, 

- ២ ផ្ទួន ៥ ផ្ទួន ៨,

- ៣ រណ្តំ ៦ រណ្តំ ៩, 

- ៣ ចួន ៤, ៦ ចួន ៧  នៅគ្រប់ឃ្លាទាំងអស់។