បទ ត្រីពិធព័ន្ធ (៣)

រត្ន័ន៍ សេនា​  

បទ «ត្រីពិធព័ន្ធ​» ទី៣  

(បែប លោកសាស្ត្រាចារ្យ ឈៀង វិបុល)

ចំណេះដឹងសព្វដឹងសុសដឹងសាយ
ព្រោះប្រឹងរៀនកាយរៀនកិច្ចរៀនកល
បើខ្ជិលនាំឆ្ងើយនាំឆ្ងាយនាំឆ្ងល់
បែរពុំជាផលជាផុយជាផេះ។

ប្រឹងអានកត់ចារកត់ចងកត់ចាំ
សិក្សាចំណាំចំណោទចំណេះ

ព្យាយាមឈោងចាប់ឈោងចាំឈោងចេះ
មិនជ្រុះរបេះរបូតរបាញ។

  

ចំណាំៈ ការចាប់ចុងចួន និងសង្កត់សំឡេងគោតាម

ពីបទពាក្យ ៨ (បន្ទាប់ធម្មតា)។ ប្លែកត្រង់ៈ
- ៣ ផ្ទួន ៥ ផ្ទួន ព្យាង្គ៧​,

- ៤ រណ្ដំ ៦ រណ្ដំ ៨,

សង្កត់សំឡេងនៅ ព្យាង្គ ៤-៦ ។