មេកាព្យបែបបង្កើតថ្មី
បទ គូគាប់ (រ័ត្នន៍ សេនា)
ព្រឹក្សព្រៃព្រំដែនដែនសីមា
បព្វតាទាបខ្ពស់ខ្ពស់សន្លឹម
ទេសភាពខៀវស្រស់ស្រស់ប៉ប្រិម
ព្រលឹមសន្សើមសើមថ្មីៗ។
លើកំពូលភ្នំភ្នំដងរែក
សណ្ដូកខ័ណ្ឌចែកចែកទឹកដី
ទាំងពីរសញ្ជាតិជាតិប្រុសស្រី
កុំបីឈ្លបឈ្លានឈ្លានពានគ្នា។
បើអាចរួមរស់រស់មិត្តភាព
រៀងរាបជាសុខសុខជានា
សន្តិភាពជាតិជាតិនឹងគ្នា
គឺជាក្ដីសុខសុខសន្តិ។
សម្គាល់ៈ ការសង្កត់សម្លេង និងចាប់ចុងចួន
គោរពតាមបទពាក្យ ៧ ប្លែកត្រង់៖ ព្យាង ៤
ផ្ទួនព្យាង្គ៥ គ្រប់ឃ្លាទាំងអស់។
No comments:
Post a Comment