Tuesday, November 3, 2015

បទ ត្រីពិធព័ន្ធ (បែប រ័ត្នន៍ សេនា)

មេកាព្យបែបបង្កើតថ្មី
បទ ត្រីពិធព័ន្ធ (បែប រ័ត្នន៍ សេនា)

រូបកាយរាងកាយកាយមិនទៀង
តែងល្អៀងប្រែល្អៀងល្អៀងប្ដូរផ្លាស់
រូបក្មេងវ័យក្មេងក្មេងប្រែចាស់
រួចប្រាសប្រួលប្រាសប្រាសមរណា។

រូបធម៌នាមធម៌ធម៌ទ្រទ្រង់
ឋិតគង់ថេរគង់គង់ដល់ម៉្លា
ត្រឹមឈ្មោះកេរ្តិ៍ឈ្មោះឈ្មោះនេះណា
បានការឥតការការខ្លួនធ្វើ។

រូបបាត់សូន្យបាត់បាត់ម្ដេចក្ដី
សល់អ្វីនូវអ្វីអ្វីអំពើ
ពុំសូន្យសាបសូន្យសូន្យទង្វើ
ខ្លួនធ្វើធ្លាប់ធ្វើធ្វើកាលរស់។

ចំណាប់ចុងចួន និងសង្កត់សំឡេង គោរពតាមបទពាក្យ ៧។

បន្ថែមៈ ២ ផ្ទួន ៤ ផ្ទួន ៥ នៅគ្រប់ឃ្លាទាំងអស់។


No comments:

Post a Comment