កង្កែបកូប
ខែប្រាំងរាំងស្ងួត ទឹកហូររីងហួតស្ងួតហែង
ស្ងៀមមួយកន្លែង មិនហ៊ានសម្ញែងខាងក្រៅ។
កាយដីធ្វើក្រាំង លាក់ខ្លួនបំបាំងគុម្ពស្មៅ
គ្មានគេឆាឆៅ កក់ក្ដៅគ្រប់ពេលវេលា។
សម្ងំស្ងៀមស្ងាត់ មិនដែលហ៊ានស្កាត់ជួបគ្នា
ឬសន្ទនា នឹងដៃគូវាម្តងណា។
ទ្រាំអើយអើយទ្រាំ រង់ចាំទម្រាំវស្សា
ទើបចេញយាត្រា រួមរ័ក្សស្នេហាមេត្រី។
ចំណាប់ចុងចួនៈ
- ៤ ឃ្លា ១ ចួន ៤ ឃ្លា ២
គ្រប់ល្បះ
- ៦ ឃ្លា ២ ចួន ៤ ឃ្លា ៣ ចួន ២ឬ ៤
ឃ្លា ៤
- ៦ ឃ្លា ៤ ល្បះមុខ ចួន ៦ ឃ្លា ២ ចួន ៤ ឃ្លា ៣
ចួន ២ឬ ៤ ឃ្លា ៤ ល្បះបន្ត។
សង្កត់សំឡេងៈ
- ឃ្លាទី ១ និងឃ្លាទី ៣
សង្កត់លើព្យាង្គ ២
- ឃ្លាទី ២ និងឃ្លាទី ៤
សង្កត់លើព្យាង្គ ២ និង ៤។
No comments:
Post a Comment