បទ គីង្គក់លបលោត

មេកាព្យបង្កើតថ្មី

បទ «គីង្គក់លបលោត»

(រ័ត្នន៍ សេនា)

ស្នូរទឹកភ្លៀងសំនៀងសំណោក

ខ្យល់បក់បោកសស្រោកសស្រាំ

សៀងដង្ហោយបណ្ដាយបណ្ដាំ

រេរង់ចាំចំណាំចំនួប។

ក្ដីរឭកផ្ដោតនឹកផ្ដោតនិត្យ

ប្រាថ្នាគិតរួមរឹតរួមរួប

រក្សាថែរាប់ខែរាប់ខួប

ស្នេហ៍បង្រួបបានចួបបានចិត្ត។

សេចក្ដីប៉ងបំណងបំណាច់

ជួនពុំស្រេចសម្រេចសម្រិត

ប្រែប្រាសចាករខាករខិត

លាក់បាំងបិទចំណិតចំណែក។

* ចំណាប់ចុងចួន និងសង្កត់សំឡេងខុសពីបទពាក្យ ៧៖

ព្យាង្គ ៧ ឃ្លា១ ចួនព្យាង្គ ៣ ឃ្លា២ មិនមែន ព្យាង្គ២ ឬ៤ទេ,

ព្យាង្គ ៧ ឃ្លា៣ ចួនព្យាង្គ ៣ ឃ្លា៤ មិនមែន ព្យាង្គ២ ឬ៤ទេ,

ព្យាង្គ៧ ឃ្លា៤ ល្បះលើ ចួននឹងព្យាង្គ៧ ឃ្លា២ ល្បះបន្ទាប់។

* បន្ថែមៈ

ព្យាង្គ៣ ចួនព្យាង្គ៥ គ្រប់ឃ្លា។ ព្យាង្គ ៤ ផ្ទួនព្យាង្គ ៦ គ្រប់ឃ្ល។

ព្យាង្គ៥ រណ្ដំព្យាង្គ៧ គ្រប់ឃ្លាទាងអស់។

* សង្កត់សំឡេងនៅលើព្យាង្គ៣ និង៥ មិនមែនព្យាង្គ ២,៤ ទេ។