បទ «ពាក្យ ៦»

រ័ត្នន៍ សេនា

ប្រាសាទចម្លាក់វិចិត្រ          ប្រណីតលើសពាក្យវាចា

ស្នាដៃប្រតិដ្ឋស្ថាបនា          ដូនតាខេមរាកសាង។

ល្បីល្បាញសុះសាយរន្ទឺ       ដឹងឮដោយមានភស្តុតាង

សិលាចារឹកតំណាង            សំអាងសម្បត្តិជាតិខ្មែរ។

បញ្ជាក់បង្ហាញយ៉ាងច្បាស់   ពូជសាសន៍ខ្លាំងក្លាពូកែ

ឧស្សាហ៍ព្យាយាមពុំល្ហែ       កូនខ្មែរមោទនភាពណាស់។

ជាកេរ្តិ៍ដំណែលបវរ         ​​    ល្អិតល្អត្រចង់ត្រចះ

គ្រប់ទីកន្លែងមិនខ្វះ  ​​           ខ្មែរទាំងក្មេងចាស់ត្រូវថែ។

ការចាប់ចុងចួនៈ 

ព្យាង្គ៦ ឃ្លា ១ ចួន ព្យាង្គ២ ឬ ព្យាង្គ៤ ឃ្លា ២ គ្រប់ល្បះទាំង
អស់។ព្យាង្គ៦ ឃ្លា ២  ចួន ព្យាង្គ៦ ឃ្លា ៣ ចួន ព្យាង្គ២ ឬ 
ព្យាង្គ៤ ឃ្លា ៤ ។ ព្យាង្គ៦ ឃ្លា ៤ ល្បះ ១  ចួន ព្យាង្គ៦ឃ្លា ២ 
ល្បះ ២ ចួន ព្យាង្គ៦ ឃ្លា ៣ ល្បះ ២ ចួន ព្យាង្គ៣ ឬ ព្យាង្គ៤ 

          ឃ្លា ៤ ល្បះ ២។      
          

       សង្កត់សំឡេងលើព្យាង្គៈ

                                    ២ និង ៤ គ្រប់ឃ្លា។