បទ «មេបួន»

ដោយៈ រត្ន័ន៍ សេនា

(បទមេបួន គឺជាកំណាព្យដែលកើតមានមកមុនគេបង្អស់នៃអាណាចក្រខ្មែរ)

ផ្គរលាន់ក្ឌុងក្ឌាំង           ឯត្បូងឯជើង

ភ្លៀងធ្លាក់ស្រុកយើង     បានទឹកធ្វើស្រែ។

ធ្វើដើមរដូវ                  ស្រូវឆាប់ផ្កាផ្លែ

ចុងឆ្នាំដល់ខែ                ស្រូវស្រែកើនផល។

ពីដើមទៀងណាស់        ពិសាខភ្លៀងដល់

មិនដែលនឹកខ្វល់          ខ្លាចខ្វះទឹកភ្លៀង។

ឥឡូវប្លែកអស់              ខ្យល់បក់មិនទៀង

វស្សាខ្សត់ភ្លៀង             ងាប់សន្ទូងស្រូវ។

កុំពឹងតែមេឃ               ជីកប្រឡាយផ្លូវ

ស្តារព្រែកតម្រូវ          ​  ធ្វើធារាសាស្ត្រ។

នយោបាយទឹក             រដ្ឋគិតគូណាស់

ដើម្បីប្តូរផ្លាស់               ជីវភាពប្រជា..។ 

 ចំណាំៈ សង្កត់សំឡេងលើព្យាង្គ ២ គ្រប់ឃ្លា។ ព្យាង្គ ៤ ឃ្លា ២ចួន 

​​​​           ព្យាង្គ ​​​​​​​​​​​​​៤ ឃ្លា ៣ ល្បៈជាមួយ។ ព្យាង្គ ៤ ឃ្លា ៤ ល្បៈមុខ

           ចួន ព្យាង្គ ៤ ឃ្លា ២ ចួន ព្យាង្គ ៤ ឃ្លា ៣ ល្បៈបន្ត។