បទ «ពាក្យ ១១»

          

បទពាក្យ ១១

ដំណក់ទឹកតក់ៗស្រក់លើថ្មញឹកញយដង

គ្រាកន្លងគង់សឹករេចរិលជាក់ជាមិនខាន

ថ្វីត្បិតទឹកធ្លាក់លើទម្ងន់ស្រាលតែកុំស្មាន

ប្រែសណ្ឋានសិលាប្រេះបែកខូងរូងជ្រៅរាក់។

ការព្យាយាមអត់ធ្មត់យូរឆាប់គង់បានសម្រេច

ជោគជ័យស្រេចលទ្ធផលជាផ្លែផ្កាប្រាកដជាក់

ដូចថ្មដារងសឹកដោយសារទឹកតក់ៗធ្លាក់

សបញ្ជាក់ឱ្យយល់នូវហេតុផលយ៉ាងច្បាស់លាស់។

ចំណាំ ៖ ការចាប់ចុងចួន ៖ ១១ ឃ្លា ១ ចួន ៣ ឃ្លា ២ គ្រប់ល្បះ។

- ព្យាង្គ១១ ឃ្លា ២ ចួន ព្យាង្គ១១ ឃ្លា ៣  ចួន ព្យាង្គ៣ ឃ្លា ៤។
           - ព្យាង្គ១១ ឃ្លា ៤ ចួន ព្យាង្គ១១ ឃ្លា ២  ចួន ព្យាង្គ១១ ឃ្លា ៣ 

ចួន ព្យាង្គ៣ ឃ្លា ៤ ល្បះបន្ត។

សង្កត់សំឡេងនៅព្យាង្គៈ ៣-៥-៨។