បទ «អក្សរសង្វាស»

ដោយៈរត្ន័ន៍ សេនា

ចងក្រងតាក់តែងកំណាព្យកាព្យ

កែថែព្រោះសាបក្រែងខ្ចាត់ផាត់

ត្បិតចិត្តមិនចង់ឱ្យស្ងាត់បាត់

សាត់ផាត់សូន្យសោះអស់អាសា។

នាគ្រាកន្លងប្រឹងប្រែងស្ដែង

គ្នេររេតាក់តែងចំណារចារ

ខាបកាព្យក្បួនខ្នាតរក្សាការ

ថ្លែងចែងតម្រាឱ្យគង់វង្ស។

ជួយស្ទួយតម្កល់តម្កើងឡើង

បានថ្កានថ្កុំថ្កើងយូរលង់យង់

កើនច្រើនទៅមុខតពង្សវង្ស

ថេរចេយូរលង់កូនខ្មែរថែ។

ចំណាំៈ

របៀបសង្កត់សំឡេង និងចាប់ចុងចួនគោរពតាមបទពាក្យ 

៧ ធម្មតា។ បន្ថែមត្រង់ (១ ចួន ២, ៦ ចួន ៧) នៅគ្រប់ឃ្លាទាំងអស់។